البلد باظت يا مبارك..وانت بتصيف !!

كام سؤال قبل ما اقول صباح الخير ....لو سمحتي يا حكومة

......................................

.....بس حبيت اسال ...

اصل العيش لسه صغير وبيتهرب في السوق السوده...

والعيشة مره والدنيا صعبة والبلد فسدة ..

والسكة زحمة ...والاشارة علي طول حمرا ...

والعماير وقعه والحديد بقي بكام الف جنيه..

حتي يوم ماجيت اسافر بره.....

لقيت العبارة غرقه واسماعيل طالع منها زي الشعره من العجين.....

قولت اسافر جوه....السكة الحديد مات فيها القريب والبعيد

ويوم ماجيت احتج.....قانون الطوارئ اتجدد من جديد....

واضح انها باظت باظت

...بس ...

قولت اسال طبيب....

بس منين....

ده الطبيب زعلان...و كادر وراتب تعبان .....

اذا كان المعلم غلبان....

لسه هيمتحن من جديد...يعني يعيني عليك يا تعليم

خلاص انا امشي بالعربية شمال ولمين...وبص للناس الغلبنين ....

يمكن افهم الحكاية ايه ...ومش مشكلة في ربط الحزام..

ما انا طول عمري ربطه علي وسطي....

وشنطة الاسعافات والتمرجي والدكتور كمان....

وكله عشان خاطر عيون قانون المرور الجديد......................

صحيح ..

ده الشوري ولع...وقالوا لي اني المسؤول بيدلع

اه صحيح.. ....بيصيف.......طيب

طيب والاثار الي انهارت ..والاوراق الي طارت

ايه ؟؟

مالها؟؟

عاملة ازمة؟؟

خلاص..بطلنا اسئلة

وحنصبر علي وضعنا

................

بس

خلصت الاسئلة

صباح الخير

صباح الخير يا حكومة....... انتي فين؟؟؟؟؟؟؟؟؟