انا وبابا والعلاوة في ثلاث كلمات ..!!!

المفروض ان لكل مواطن 30 في المية علاوة ..تزيد من دخله ..علي حسب تعليمات الريس ..في ظل النهوض بحياة الفرد في مصر.!!

لكن الوضع بعد العلاوة ...جاء بعكس ما تشتهي السفن ..!!!

وبدل ما كانت زيادة في دخل المواطن..بقت زيادة في اعباء المواطن..!!!!

وللي معرفش اي هي اجراءات لتغطية اموال العلاوة ...اقوله انا ::

زيادة اسعار البنزين...زيادة المواد الغذائية ...زيادة مصروفات المدارس..زيادة اسعار الحديد ...ضرائب عقارية جديدة

وطبعا كله ده بشكل متباعد عشان الشعب الي فكرينه عبيط...مايخدش باله انهم عملوا العلاوة عشان يخدوها منه تاني الضعف

بزيادة اعباء الحياة وغلاء هنا وهناك

فقرر مواطن من الشعب الي فكرينه عبيط...انه يحلها مع بنته ...وادنا الوصفة السحرية عشان تعرف تعيش في البلد دي

من غير غلاء ولا اعباء وعلاوة عال العال ..!!!!

طابع الحوار :::

..................................................................................

تتحدث البنت بنها وبين نفسها تقول ::

هي الناس مالها ليه مش عايزة العلاوة
مالهم دول ..مش عمو نظيف قال الحياة لونها بنبي من اليوم ومصر في مرحلة تغيير حقيقي
مالهم بقي .!!!

قولت اسال بابا يمكن يعرف ..بابا ...انت صرفت العلاوة..؟؟

قال الاب:: ايوا يا بنتي

البنت :: مالك مش مبسوط ليه كده يابابا..؟؟؟

قال الاب:: اصل محتاجين تلت حاجات عشان نحس بالعلاوة الجديد

البنت ::ماتقولي يا بابا..يمكن اقدر اساعدك

قال الاب :: اولا هتروحي المدرسة انتي واخواتك ماش

البنت :: طيب ليه يا باب

اقال الاب :: ماهي الحكومة غلت البنزين عشان تغطي ثمن العلاوة

البنت:: طيب حاضر يا بابا ..

قال الاب :: وبعدين يمكن اريحكوا خالص ...وماترحوش المدرسة

البنت :: اش معني يعني ...غيرت رائيك بالسرعة دي!!..هنركب العربية

قال الاب :: يابنتي ما تفهمنيش غلط...انا هشلكوا من المدرسة خالص..عشان المصاريف غليت ..

البنت :: اشطة عليك يا بابا...

البنت تاني:: اديني الحاجة التانية خلينا نخلس بقي

قال الاب :: هناكل طقه واحد في اليوم..

البنت :: وليه ده يابابا

قال الاب :: اصل اسعار الغذاء غلت تاني ...

البنت :: وده برده عشان الحكومة تغطي العلاوة .؟!!! (بتريقة تتحدث البنت )

البنت :: حاضر يا بابا...ايه الحاجة التلتة...ربنا يستر

قال الاب :: هنبيع بتنا ونشتري خيمة صغيرة

البنت :: وليه الغلط ده بس يا باب

اقال الاب :: احسن يطبقوا علينا قانون الضرائب العقارية الجديد..وانا مش ناقص يابنتي مش كفاية مش هكمل ثمن الشقة لاخوكي الي كان هيجوز فيها بعد صبر 20سنة

.البنت :: الله وليه الغلط ده ...ومش هتكمل سعر الشقة ليه

قال الاب :: يابنتي انتي نايمة علي ودانك ولا ايه ...ماهو اسعار الحديد غليطت تاني.

.البنت :::بابا..بابا ..قولي... هي العلاوة كام بالضبط يا بابا.

.قال الاب :: 30 في المية ..يعني حوالي 3جنية من مرتب 10 جنية

البنت :: 30 في المية بسسسسسسسسسسسسسس!!!!!!

قال الاب :: بلاش غلط يا بنت...قانون الطوارئ اتجدد !!!

..............................................................................

علي فكرة الحوار ده انا كتبته من خيالي .....

ولو ماعجبكوش الحل ....ماليش دعوة بقي

وده كان صوت المواطن الصغير لهذا العدد...