من مدة كده سمعنا عن واحد عبقري شرب مراته منوم وخدها قال رايح يوديها عند اخته في البلد..واسناء الطريق
اشتغل المنوم وقبل ما تروح في النوم قالها : هنعمل حادثة..وبعد ما فاقة من النوم في المستشفي..وبعديها
اكتشفت ان اتسرقت كليتها من جوازها وعمل الفيلم ده عشان تبقي حادثة وسرق الكلية عشان يسدد دينه..ونفس الفترة خبر تاني
بعد عمارة لوران الي سقطت في الاسكندرية..عمارتين كانوا عليهم مشكلة في حلوين عمارة(لؤلؤة وواحدة تانية)..وفي نفس
الوقت خبر تاني الاسعار بتزيد والحكومة تقول مافيش اسعار بتزيد وبالعكس التنمية علي ودنة..!!
طيب التلت مواضيع مالهمش علاقة ببعد .؟؟ لا ..ليهم.؟!!
خليكو معايا شويه .............
" الدنيا جره فيها ايه "
هي الدنيا جره فيها ايه.. فعلا كونا بنسمع زمان ان الواحد بسبب المعيشة انه.. يبيع هدومه
شوية شويه يبيع عفش بيته
شويه شويه بقت يبيع ضميره ويسرق
شويه شويه بقينا بنسمع عن ناس بتتقتل عشان 100 جنية ولا موبايل
شويه شويه حد يبيع عياله ولا يستغل مراته .............
دلوقتي بقينا بنسمع الجديد بقي ان الزوج يسرق اعضاء مراته عشان يبعها ويسدد ديونه ؟!!
والابتكار في الجريمة يعني اصحي الصبح القي جوزي سرق كليتي..!
لو اتكلمنا بشكل اوسع اصحي الصبح القي الطبقة تحت الفقر اصبحت طبقة تخرج انواع جديدة ومخيفة للاجرام .......
وحخش في الموضوع التاني بس ليه علاقة وهو الغلاء
ايه الفجوة الي ظهرة بين الناس والحكومة , الحكومة تقولك مافيش ارتفاع وده تقرير رئيس الشركة القابضة للصناعة الاغذية؟!!
والنحيه التانية تقرير رئيس الجهاز المركزي للمحاسبات يتهم الحكومة انها تهدر المال ومش بتعمل حسابات ولا دراسات جدول
يعني نهدر من هنا ونقول الاقتصاد بيزيد علي لسان رئيس الوزراء !! والشعب مش لقي فلوس ولا مرتبات تغطي الارتفاع
ولما هو الاقتصاد زاد ليه الشعب مالهوش حصة من الزيادة المفروض تزيد المرتبات
الفجوي بقي هنا الاسعار بتزيد والحكومة مش حسة
الشعب تعبان والحكومة مش حسة وبتقولك بالعكس ده فيه تزايد اقتصادي ؟!
ولما الشعب ده حاله مش عارف ياكل يبقي هيسدد ديونه منين يبقي مانستغربش من انه يسرق كليته مراته ..
بقي نخش في موضوع الناس بتوع عمارة لؤلؤة والتانية دي مش عايزين يمشوا اه من العمارة رغم انها ايالة للسقوط
ورفضين قرار الاخلاء .. ما نستغربش لما وصل الفقير
انه يبيع هدومه وبعدين عفش بيته وبعدين عياله وبعدين ضميره ويسرق كليت مراته يبقي مانستغربش انه يقرر انه يقعد في عمارة ممكن
تقع علي دماغه لانه هيعمل ايه بقي بعد ؟ ما جرب كل الطرق
الربط في كلامي في الموضيع وهم الاسعار , حكاية الزوجة , والعمارة الي ممكن تقع علي دماغ الناس
دي مش احداث فردية خاصة بحكاية زوجة ولا عمارة ولا غيره الفكرة انه الناس بقي عندها استعداد للسرق والقتل وبيع بيتها
وتقع عمارة علي دماغتها وحكومة بنها وبنا فجوة كبيرة والموضيع دي ليست سوي مثال او بمعني اصح تنبيه
كله لسبب واحد هو حال الشعب والفجوي مابين الناس والحكومة الي هي مش دريه بحاجة
وده حال الناس ...حال الطبقة التي اصبحت تحت خط الفقر..والله واعلم كام سنة ونسميها طبقة (وش اجرام )..
اما حال الحكومة..
عندكوا 20 مليون فستين لمطربة ادفعوا..
ونواب بيحبوا اوي بس اكل الب في مجلس الشعب
فعلا الدنيا جره فيها ايه..!!
ولوحد كان مستني وهو بيقرا كلامي جواب او تفسير علي الفجوة دي ولا الحال الي وصلناه
احب اقوله انا ماعنديش تفسير ...لاني تعبت من كتر التفكير..متحيرة ..اه ..وبس
...وده الصوت الصغير بتاع موضوع للنهارده....
هناك تعليق واحد:
والله يا آيات البلد دي مهما يحصل فيها مليانة خير
هيا ممكن ساعات تلاقي أهلها معرفش إيه وبيعملوا حاجات غلط
بس وقت الشدة بيظهر معدن الشعب المصري النفيس
هما بس الناس مش حاسة بالخطر ده بيقول أنا حسرق إنهارده وأتوب بكره
وده بيقول ما غيري بيسرق أنا مسرقش ليه؟
وهلم جرا :)
عموما المقالة حلوة الخط كبير وجميل وسايبة سطر عشان راحة عينينا بس ليه الأخطاء الإملائية كتير يا آيات؟
تحياتي :)
إرسال تعليق